CWS ak Foundation Hope Ayiti ap travay nan kolaborasyon pou ofri espas gerizon vityèl Lakou Tanama pou dyaspora ayisyen ki Ozetazini. Espas gerizon Lakou Tanama yo se kote pou dyalòg ouvè, onèt, ak kouraj pou ede geri chòk (twomatis), fè reparasyon, epi soutni kominote yo nan chemen jistis sosyal, lapè, ak liberasyon kolektif. Modèl vityèl la pèmèt Ayisyen ki nan dyaspora Ozetazini konekte atravè diferan zòn jeyografik, pataje eksperyans yo, epi sipòte youn lòt an Kreyòl.

Lakou Tanama se yon espas sante mantal kominotè ki baze sou prèv, epi se Ayisyen ki kreye l epi dirije l. Tout espas ki òganize atravè kolaborasyon CWS ak Lakou Tanama yo 100% gratis epi ouvè pou manm kominote ayisyen ki gen 18 lane oswa plis.

Vini patisipe nan yon espas:

Si ou kirye, nou ankouraje w vini nan yon Lakou pou fè eksperyans espas la. Espas la konfidansyèl, epi ou envite pou pataje jan ou santi w alèz. Gen kèk akò kominotè y ap prezante nan kòmansman sesyon an.

Èske ou se yon founisè sèvis oswa ou ta renmen li plis? Espas sa yo rezève pou nouvo imigran ayisyen ki nan dyaspora Ozetazini. Nou envite w li plis
sou Lakou Tanama isit la:

• Espas gerizon ki akeyi lafwa pou sipòte Ayisyen nan moman kriz - The Fetzer Institute (Original English version)
• Espas gerizon ki akeyi lafwa pou sipòte Ayisyen nan moman kriz - an Kreyòl Ayisyen)
• Mete vwa Ayisyen yo devan nan jistis gerizon ak byennèt kominotè | CWS

Èske ou gen Zoom sou telefòn ou oswa òdinatè ou?

• Telechaje Zoom sou Android: Zoom Workplace - Apps on Google Play
• ‎ ‎Telechaje Zoom sou iPhone: ‎Zoom Workplace App - App Store
• Sou navigatè entènèt: Join Meeting | Zoom

Kalandriye Evènman Lakou Tanama yo:

Chak sesyon dire 90 minit